एजेन्सी– मुसाफिर रहीको शानदार प्रदर्शपछि बंगलादेशी क्रिकेट टीमले सिरिजको पहिलो टी २० प्रतिस्पर्धामा भारतीय टीममाथि सहज जीत दर्ता गरेको छ ।

बंगलादेशले पहिलो पटक कुनै टी–२० खेलमा भारतीय टीमलाई हराएको हो ।

आइतवार भारतको राजधानी दिल्लीमा खेलिएको खेलमा भारतीय खेलाडीको प्रदर्शन निरासाजनक रह्यो ।

भारतले दिएको १४९ रनको लक्ष्य बंगलादेशले १९ ओभर ३ बलमा मात्र ३ विकेट गुमाएर पुरा गर्यो ।

बंगलादेशको जितमा मुस्फिकर रहिमले अविजित रहदै ६० रनको अर्धशतकीय इनिङ्स खेले । यस्तै सौम्य सरकारले ३९ तथा मोहमद नाइमले २६ रन जोडे ।

कप्तान महमदउल्लाह १५ रनमा अविजित रहे । भारतका दिपक चाहर, खलिल अहमेद र युजभेन्द्र चाहलले १र१ विकेट लिए ।

यस अघि टस हारेर पहिले ब्याटिङ गरेको भारतले २० ओभरमा ६ विकेट गुमाएर १४८ रन बनाएको थियो ।

भारतका लागि शिखर धवनले ४१ तथा ऋषप पन्तले २७ रन बनाए । श्रेयर एयरले २२ रन बनाउँदा लोकेश राहुलले १५ रन बनाए ।

यस्तै कप्तान रोहित शर्मा ९ रनमा आउट हुँदा कुर्नाल पाण्डयले अविजित १५ रन जोडे ।

बंगलादेशका एमिन्युल इस्लाम र सैफुल इस्लामले २र२ विकेट लिए ।