काठमाडौं– प्रदेश र स्थानीय सरकारका सेवालाई प्रभावकारी बनाउन भनेर विभिन्न देशले नेपालाई संयुक्त रुपमा ११ अर्ब रुपैयाँ अनुदान उपलब्ध गराउने भएका छन् ।

युरोपियन युनियनसहित स्वीट्जरल्याण्ड, नर्वे र बेलायले नेपाललाई ११ अर्ब ४० करोड रुपैयाँ अनुदान सहयोग गर्ने भएका हुन् ।

बुधबार युरोपियन युनियनसहित ३ देशका प्रतिनिधि र अर्थ मन्त्रालयका सचिव डा राजन खनालले सहयोग सम्झौतामा हस्ताक्षर गरेका छन् ।

उक्त सहयोग सन् २०१९ देखि २०२३ सम्म नेपाललाई उपलब्ध गराइने छ ।

अनुदान रकम खर्च हुने गरी ४ वर्षसम्मका लागि सञ्चालन गर्ने कार्यक्रमसँग सम्बन्धित रहेर सम्झौता भएको अर्थ मन्त्रालयले जनाएको छ ।

स्थानीय तथा प्रदेश सरकारका आयोजनाको अध्ययन, नीतिगत सुधार, दीर्घकालीन योजनाको अध्ययन र कर्मचारी तथा जनप्रतिनिधिहरुको क्षमता अभिवृद्धिका लागि कार्यक्रम सञ्चालन गरिने सम्झौता पत्रमा उल्लेख छ ।