काठमाडौं– वैदेशिक रोजगार व्यवसायी संघले श्रम कार्यालयले श्रम स्वीकृतीसम्बन्धी गरेको सूचना प्रति गम्भीर ध्यानाकर्षण भएको भन्दै विज्ञप्ति जारी गरेको छ ।

श्रम कार्यालयले मंगलबार जारी गरेको सूचनामा श्रम स्वीकृति लिनुपूर्व अनिवार्य रुपमा बैंक खाता नम्बर (प्रमाण सहित पास बुक, चेक स्टेटमेन्ट) कार्यलयमा पेश गर्नुपर्ने सम्बन्धीतलाई जानकारी गराएको थियो ।

बुधबार संघका अध्यक्ष रोहन गुरुङले संघका तर्फबाट विज्ञप्ति जारी गर्दै, वैदेशिक रोजगारमा जाने कामदारको खाता नम्बर, खाता रहेको बैंकको नामका विषयमा विभाग र व्यवसासीबिच छलफल नै नभएको उल्लेख गरेका छन् । श्रम स्वीकृतिका लागि कामदारले कागजात (एटिएम कार्ड, चेक, पास बुक) कहीं, कतै रेकर्ड राख्ने वा पत्रचार गर्ने कार्यमा वैदेशिक रोजगार व्यवसायीहरुले उपलब्ध गराउन नसहिने विज्ञप्तिमा भनिएको छ ।

विभागले वैदेशिक रोजगारीमा जाने कामदारको बैंक खाता अनिवार्य गरेको थियो । भदौ १६ गतेदेखि विदेशी जाने कामदारले श्रम स्वीकृति लिनका लागि बैक खाताको विवरण अनिवार्य गर्नुपर्ने छ ।

भदौ १७ गते श्रम कार्यलयले सूचनामार्फत कामदारले श्रम स्वीकृतिका लागि आवेदन दिदाँ बैक विवरण खुल्ने एटिएम, चेक बुक, पास बुक जस्ता कागाजात पेश गर्नु पर्ने जानकारी गराएको थियो ।