काठमाडौं – नायिका नम्रता श्रेष्ठ अभिनित फिल्म ‘प्रसाद’ गत वर्ष रिलिज भएको थियो । यो फिल्मबाट नम्रताले खुबै तारिफ पाइन् । लामो समयपछि उनको हातमा एक सफल फिल्म प–यो ।

उनी यतिबेला फिल्म ‘जाइरा’ को प्रचारमा व्यस्त छिन् । यो फिल्ममा नम्रतालाई एक्सन अवतारमा देख्न पाइनेछ । फिल्मको प्रचारका क्रममा रहेकी नम्रता राजधानीमा भेटिइन् । भेटमा उनले आफू चलचित्र ‘जाइरा’ बाट आशावादी भएको पनि बताइन् ।

बीचमा केही समय तनावमा रहेकी नम्रता केही वर्षयता भने सामान्य अवस्थामा फर्केकी छिन् । फ्यानले उनको सुन्दरताको खुलेर प्रशंसा गर्छन् । साथै उनको अभिनयको पनि उत्तिकै चर्चा गर्ने गर्छन् ।

चलचित्र ‘जाइरा’ मा अनुपविक्रम शाहीसँगै देखिएकी नम्रताले यो फिल्ममा कस्तो अभिनय गरेकी छिन्, त्यो हेर्दै गरौँला । अहिले भने उनको सुन्दरता झल्किने केही तस्वीर हेरौँ ।