काठमाडौं- अबिरल वर्षाका कारण जापानका स्थानीयबासी प्रभावित भएका छन् । जापानको क्युसु द्वीपलगायतका कागोसिमासहितका शहरमा आएको अविरल वर्षाले जनजीवन प्रभावित भएपछि सुरक्षितस्थान सारिएको हो ।
स्थानीय प्रशासनको निर्देशनमा ६ लाख मानिस सुरक्षितस्थान सारिएको जापानका सञ्चारमाध्यमले जनाएका छन् । कागोसिमा सहरमा स्थानीय समयानुसार बुधबार बिहान ०७ बजेबाट ०८ बजेसम्म ४० मिलिमिटर वर्षा भएको छ ।
यसले झनै त्रास बढेको छ । पहिरो जान सक्ने सम्भावना रहेको चेतावनी दिँदै नगरवासीलाई अन्यन्त्र जान अपिल गरिएको छ । स्थानीय मौसमविदका अनुसार वर्षा बिहीबारसम्म जारी रहने अनुमान गरेको छ । क्युसु द्वीप क्षेत्रमा ८० मिलिमिटर प्रतिघण्टामा वर्षा हुने बताइएको छ ।
प्रतिक्रिया