काठमाडौं– विगत केही वर्षयता एसियाका विभिन्न देशबाट रोजगारीका नाममा मानव तस्करी बढीरहेको एक अध्ययनले देखेको छ ।

एसियाका देशमा ६२ प्रतिशत तस्करी हुनेगरेको मानव बेचविखन तथा ओसारपासरविरुद्ध सहकर्मी समूह नेपाल (एटवीन)ले गरेको एक अध्ययनले देखाएको छ । एटवीनको अध्ययनमा पछिल्लो समय रोजगारीको बाहानामा नेपाली महिला तस्कर गर्ने समूह सक्रिय रहेको जनाइएको छ ।

यसरी तस्करीमा संग्लन तस्करीलाई सरकारले कानूनी दायरामा ल्याएर कारवाही गर्ने नसक्दा समस्या जटिल बन्दै गएको अध्ययनमा भनिएको छ ।

सरकारले वैदेशिक रोजगारी र मानव तस्करीका मुद्दालाई फरक ढंगले कानूनी कारवाही गर्नुपर्ने एटवीन अध्यक्ष नातीसरा राईले बताएकी छिन् । रोजगारीका नाममा भएको मानव तस्कर र मानव तस्करीका घटना रोक्न सरकारले चासो नदिएको उनको आरोप छ ।

नेपालबाट ८६ प्रतिशत महिला रोजगारीका नाममा मानव तस्करी हुने गरेको अध्ययन रिपोर्टमा उल्ले गरिएको छ । यस्तै १४ प्रतिशत पुरुष रोजगारीका नाममा मानव तस्कको शिकार हुने गरेपनि उनीहरुले आफूहरु बेचवीखनमा परेको स्वीकार नगर्ने प्रतिवदेनमा उल्लेख गरिएको छ ।

वैदेशिक रोजगारीका नाममा तस्करीमा परेका महिला घरेलु र यौंन हिंसामा पर्ने गरेका छन् । यस्ता विषयमा कानून बनेपनि फित्तलो कार्यन्वयन हुँदा समस्या जटिल बन्दै गएको एटविनको अध्ययनमा भनिएको छ ।