काठमाडौं – १३ औं दक्षिण एसियाली खेलकुद (साग) मा करातेले १० औं स्वर्ण जित्यो ।

उक्त दशौं स्वर्ण करातेलाई दिलाउने खेलाडी हुन्, अनुपमा मगर । ६८ किलो तौल समूहमा पाकिस्तानी खेलाडीलाई फाइनलमा पराजित गर्दै स्वर्ण जितेकी उनले आजको दिनका लागि बर्षौ कुर्नु पर्यो ।

भन्छिन्‘करातेमा लागेको १०–११ बर्ष भइसक्यो । यतिलामो यात्राको सफलता आज आएर पाएकी छु । सायद यहिँ दिनका लागि म यतिधेरै समय करातेमा रहे,’ खुसी देखिएकी अनुपमाले भनिन्

उदयपुर घर भएकी हक्की स्वभावकी उनी मेहनतमा विश्वास गर्छिन् । मेहनतका साथ धैर्य आवश्यक रहेको उनको भनाइ छ ।

यसका लागि धेरै सोच्नु पर्दौन अनुपमाचले गरेको पछिल्लो ११ वर्षको नेपाली करातेका लागि दिएको समय हेरे पुग्छ ।

स्वर्ण जितेपछि उत्साहित देखिएकी अनुपमाले सातदोबाटोस्थित कराते हलसम्म आफ्न्त नबोलाएको बताइन् । उनलाई घर परिवारले आफूबाट धेरै अपेक्षा गरेको महसुस भएको छ ।

यदि घर परिवारको अपेक्षा पूरा गर्न नसके उनीहरु दुखी हुने महसुस गरेरै आफुले परिवारका सदस्यलाई खेल हेर्न नबोलाएको उनले बताइन् ।

‘म आज यहाँ मेरो टिम सँग आएकी हुँ । परिवारका मान्छेहरु आउँछु भन्दै हुनुहुन्थ्यो । तर, मैले टिकट छैन भने उहाँहरु आउनु भएन,’ अनुपमाले खबरहबसँग भनिन् ।

२८ बर्षीय अनुपमाले आफूले जितेको स्वर्ण स्वर्गीय देव कुमारी मगरको नाममा समर्पण गरेकि छन् । ‘मैले जितेको मेरो स्वर्ण म मेरो स्वर्गीय आमाको नाममा समर्पित गर्न चाहान्छु,’ आमालाई सम्झिँदै भावुक बनेकी उनले भनिन्,‘आज म भावुक होइन खुसी छु ।’

अनुपमाले फाइनलमा पाकिस्तानी खेलाडीलाई ६–४ ले हराएकी थिइन् । त्यसभन्दा अगडि सेमिफाइनलमा श्रीलंकासँगको खेल निकै प्रतिस्पर्धात्मक भएपनि आफुले जितेको बताइन् ।

‘सेमिफाइनल निकै प्रतिस्पर्धात्मक बन्यो । उक्त खेलको मलाई अंक पनि याद छैन,’ अनुपमाले भनिन् ।