काठमाडौं – फिल्म ‘सेल्फी किङ’ को टिजर सार्वजनिक गरिएको छ । यो फिल्मलाई विशाल सापकोटाले निर्देशन गरेका हुन् ।

यसअघि पोस्टर रिलिज गरेर चर्चा कमाएको फिल्मले टिजरमा पनि विपिन कार्कीलाई नै स्थान दिएको छ । फिल्ममा विपिनले एक कलाकारको चरित्र निभाएका छन् ।

एक राष्ट्रिय कलाकारको जीवनमा आइपरेको उतारचढावलाई कथानक बनाइएको फिल्ममा निर्देशक सापकोटाकै स्किृप्ट रहेको छ । यो फिल्ममा सुसन प्रजापतिको छायांकन तथा जीवन थापाको सम्पादन रहेको छ ।

फिल्मलाई सुभाष थापा र दिनेश राउतले निर्माण गरेका हुन् ।

यस्तै फिल्ममा विपिनका अलावा भुवन चन्द, अभय बराल, लक्ष्मी बर्देवा, लोकमणि नेपाल, जीवन भट्टराई लगायतका कलाकारले अभिनय गरेका छन् ।

यो फिल्म आउँदो माघ २४ मा रिलिज हुँदैछ ।