काठमाडौं– पूर्व उपप्रधानमन्त्री तथा अर्थमन्त्री एवम् नेपाल कम्युनिस्ट पार्टी (नेकपा) का नेता भरतमोहन अधिकारीको पशुपति आर्यघाटमा राजकीय सम्मानका साथ अन्त्येष्टि गरिएको छ ।
दिवंगत नेता अधिकारीको चितामा छोरीहरु लुना अधिकारी (बस्नेत), लिमा अधिकारी (आचार्य) र लिजा अधिकारी ले दागबत्ती दिए ।
लामो समयदेखि श्वासप्रश्वास र निमोनियाबाट ग्रसित अधिकारीको उपचारको क्रममा शनिबार राति ह्याम्स अस्पताल काठमाडौंमा निधन भएको थियो ।
दिवंगत नेता अधिकारीको पार्थीव शरीरलाई आइतवार विहान अन्तिम श्रद्धाञ्जलीका लागि धुम्बाराहीस्थित नेकपाको मुख्यालयमा राखिएको थियो ।
अधिकारीको सम्मानमा सशस्त्र प्रहरीको एक टुकडीले आर्यघाटमा सलामी अर्पण गरेको थियो ।
प्रतिक्रिया