काठमाडौं– नेकपाको सचिवालय बैठक सकिएको छ ।

बैठकले पार्टी नेता भरतमोहन अधिकारीको निधनमा शोक प्रस्ताव पारित गरेको छ ।

बैठकले नेता अधिकारीको शोकमा आइतबार देशभरको पार्टी कार्यालयमा उनको सम्मानमा पार्टीको झण्डा आधा झुकाउने निर्णय गरेको प्रवक्ता नारायणकाजी श्रेष्ठले जानकारी दिए । पार्टी कार्यालयहरुमा तीन दिन शोक पुस्तिका राख्ने निर्णय सचिवायल बैठकले गरेको छ ।

२३ गते रवीन्द्र अधिकारीको श्रद्धाञ्जली सभामा भरतमोहन अधिकारीलाई पनि श्रद्धाञ्जली दिने कार्यक्रम संयुक्त  रुपमा गर्ने निर्णय सचिवालयले गरेको छ ।

पूर्व अर्थमन्त्रीसमेत रहेका अधिकारीको उपचारका क्रममा आइतबार राति निधन भएको थियो ।

अधिकारीको पार्थिव शरीर अन्तिम श्रद्धान्जलीका लागि नेकपाको पार्टी कार्यालय धुम्बराहीमा राखिएको छ । अधिकारीलाई अन्तिम श्रद्धान्जली दिनका लागि नेकपाका नेता कार्यकर्ता धुम्बाराही पुगको छन् ।अधिकारीको आजै अन्त्येष्टि गरिने छ ।