काठमाडौं–प्रधानमन्त्री केपी शर्मा ओलीले मन्त्रिपरिषद्को बैठक बोलाएका छन् ।

प्रधानमन्त्री ओलीले आइतवार(आज) का लागि मन्त्रिपरिषद् बैठक बोलाएका हुन् । शुरुमा विहान ११ बजेका लागि बैठक बोलाइएपनि प्रधानमन्त्री डायलाइसिस गर्न अस्पताल गएपछि बैठक ३ बजेपछि बस्ने भएको हो ।

बैठकमा प्रधानमन्त्रीले मन्त्रीहरुलाई आफ्नो स्वास्थ्यका बारेमा व्रिफिङ गर्ने छन् भने केही महत्वपूर्ण निर्णय पनि हुने प्रधानमन्त्री निकट स्रोतको भनाइ छ ।

यसअघि हिजो बसेको नेकपा सचिवालय बैठकमा पनि प्रधानमन्त्रीले आफ्नो स्वास्थ्य अवस्था, उपचार बारेमा व्रिफिङ गरेका थिए ।

आजै नेकपाको सचिवाल बैठक पनि बस्ने र उपनिर्वाचनाका लागि उम्मेदवार टुंगो लगाउने तय भएको थियो ।

शनिवार बसेको बैठकले उम्मेदवारको टुंगो नलगाएका कारण आज बस्ने बैठकले यसबारे निर्णय गर्ने प्रवक्ता नारायणकाजी श्रेष्ठले बताएका थिए । तर सचिबालय बैठकको समय भने तय भइसकेको छैन ।