एजेन्सी– सन फ्रान्सिस्कोस्थित एक हेलोविन पार्टीमा अन्धाधुन्ध गोली चल्दा पाँच जनाको मृत्यु भएको छ ।

ओरिन्डा बजारमा रहेको एक घरमा आयोजित पार्टीमा अन्धाधुन्ध गोली चलेको हो । गोली चल्दा तीन जनाको घटनास्थलमै मृत्यु भएको हो भने दुई जनाको उपचारका क्रममा मृत्यु भएको प्रहरीले जनाएको छ ।

हलोविनको अवसर पारेर गत शुक्रबार सो पार्टीको आयोजना गरिएको थियो । घटनामा संलग्नलाई प्रहरीले पक्राउ गर्न सकेको छैन । घटनाका विषयमा प्रहरीले अनुसन्धान जारी राखेको छ ।

पार्टी चलिरहेकै क्रममा अन्धाधुन्ध गोली चलेको थियो । पार्टी आयोजकले स्वीकृति विना नै सो कार्यक्रमको आयोजना गरेको थियो ।

पाँच जनाको मृत्यु भएको घटनासँगै अमेरिकाको पर्यटनसँग सम्बन्धित अनलाइन बजार एयर बी एण्ड बीले स्वीकृतिबिना अब यस्ता पार्टी आयोजना नगर्ने जनाएको छ ।