काठमाडौं– सरकारले आगामी आर्थिक वर्षका लागि प्रदेश र स्थानीय तहलाई उपलब्ध गराउने वित्तीय समानीकरण र सशर्त अनुदानको विवरण सार्वजनिक गरेको छ ।

अर्थमन्त्री युवराज खतिवडाले संघीय संसदमा आगामी आर्थिक वर्षको बजेट प्रस्तुत गर्दै स्थानीय तहलाई दिइने सशर्त अनुदानतर्फ १ खर्ब २३ अर्ब ८७ करोड विनियोजन गरेको बताएका थिए । यस्तै स्थानीय तहलाई ८९ अर्ब ९५ करोड रुपैयाँ समानिकरण अनुदान दिने बजेटमा उल्लेख गरिएको थियो ।

सरकारले आगामी आर्थिक वर्षका लागि प्रदेशलाई ४४ अर्ब ५५ करोड ५८ लाख सशर्त अनुदान छुट्याइएको छ । ७ वटै प्रदेशका लागि ५५ अर्ब २९ करोड ८६ लाख रुपैयाँ वित्तीय समानीकरण अनुदान दिने बेजटमा उल्लेख छ ।

सरकारले आगामी आर्थिक वर्षका लागि वित्तीय समानीकरण अनुदान र सशर्त अनुदान गरी स्थानीय तहमा २ खर्ब १३ अर्ब ८२ करोड ११ लाख रुपैयाँ विनियोजन गरेको छ । यस्तै प्रदेशमा भने ९९ अर्ब ८४ करोड ४४ लाख रुपैयाँ बजेट विनियोजन गरिएको छ ।

हेर्नुहोस् कुन प्रदेश र स्थानीय तहले कति अनुदान पाए ?