काठमाडौं– साताको दोस्रो दिन सोमबार पनि शेयर बजार दोहोरो अंकले आरोला लागेको छ । आइतबार नेप्से मापन गर्ने सूचक १३.७९ अंकले घटेको थियो ।

सोमबार पनि नेप्से मापन गर्ने सूचक १२.८४ अंकले घटेर १२९२.८४ बिन्दुमा कायम भएको छ । त्यससँगै सेन्सेटिभ परिसूचक २.६४ अंकले घटेर २७५.४८ बिन्दुमा रोकिएको छ । १७१ कम्पनीको २१ लाख ७६ हजार ३७० कित्ता सेयर ६९ करोड ८७ लाख ३९ हजार ७०६ रुपैयाँमा किनबेच भएको छ ।

सोमबारको १२ समूहको कारोबारमा सबैमा गिरावट आएको छ । उपसमूहमा सबैभन्दा बढी निर्जीबन बीमा ६७.६४, उत्पादन तथा प्रशोधन ५४.७८, जीवन बीमा ५४.७३ तथा बैंकिङ समूहको उपसूचक ११.०७ अंकले घटेको छ ।

कारोबार रकमको आधारमा सबै भन्दा बढी (९ करोड ६ लाख रुपैयाँ) एनआईसि एसिया बैंकले कारोबार गरेका छ । कारोबारमा तारागाँउ रिजेन्सी होटल, गुँरास लघुवित्त वित्तीय संस्था, कन्काई विकास बैंक, रिलायन्स फाइनान्सका लगानीकर्ताले कमाएका छन् भने पाँचथर पावर कम्पनी, कर्पोरेट डेभलपमेन्ट बैंक, वल्र्डमर्चेन्ट बैंकिङ एण्ड फाइनान्स, माउन्टेन हाइड्रो नेपालका लगानीकर्ताहरुले गुमाएका छन् ।