काठमाडौं – गायक खुमन अधिकारी र रमिला न्यौपानेले स्वर दिएको गीत ‘बाडुल्की’ सार्वजनिक गरिएको छ । यो गीतलाई तिर्सना म्युजिकको युट्युब च्यानलमार्फत सार्वजनिक गरिएको हो ।

गीतमा रोमान्टिक मायाको भावलाई प्रस्तुत गरिएको छ भने बाबुराम बोहराका शब्द रहेका छन् । यस्तै गीतमा खुमन अधिकारीले संगीत भरेका छन् ।

भिडियोमा अनु पराजुली र खुमन अधिकारीले मोडलिङ गरेका छन् । साथै गीतको भिडियोमा प्रकाश भट्टको निर्देशन देख्न सकिन्छ । गीतको भिडियोलाई राजेश घिमिरेले छायांकन गरेका हुन् भने विष्णु शर्माले सम्पादन गरेका हुन् ।