जापानी कार निर्माता कम्पनी टोयोटाले दक्षिण एसियाली बजारमा छिट्टै बहुप्रतिक्षित बलेनो कार लञ्च गर्ने भएको छ ।

बलेनो नाम सुन्दा तपाईंलाई अचम्म लाग्ला कि, मारुती सुजुकीको नाममा रहेको बलेनो कार टोयोटाले किन बजारमा उतार्दै छ भनेर । खसमा बलेनो उत्पादनका लागि मारुती सुजुकी र टोयोटा इन्डियाले सहकार्य गरेका छन
।

बलेनो संभवतः दुईवटै कम्पनीले संयुक्त रुपमा उत्पादन गरेको पहिलो कार हुने छ ।

मारुती सुजुकी र टोयोटाले सन् २०१७ मा दुईवटै कम्पनी मिलेर इलेक्ट्रिक वाहन निर्माण गर्ने एक सम्झौता गरेका थिए ।

फिचर्सको कुरा गर्दा पुरानो मोडेलको कारको तुलनामा यसमा खासै केही परिवर्तन भने देख्न पाइने छैन । हाल बजारमा रहेको कारमै प्रयोग भएको इन्जिन नयाँ कारमा पनि प्रयोग हुने छ ।

बजारमा रहेको मारुती बलेनो पेट्रोल र डिजेल दुईवटै वेरियन्टमा उपलब्ध छ ।