एल बि मगर

रोल्पा – चाडपर्व नजिकिएसँगै रोल्पामा सुरक्षा व्यवस्था बनाइएको छ ।

जिल्ला प्रहरी कार्यालय रोल्पाका प्रहरी नायब उपरीक्षक चित्रबहादुर गुरुङका अनुसार चाडपर्वमा हुन सक्ने सम्भावित घटनाहरूलाई ध्यान दिएर जिल्लाको सुरक्षा व्यवस्थालाई कडाइ गरिएको छ ।

चोरी डकैती , कुटपिट , जुवा तास जस्ता घटनाहरुलाई रोक्न जिल्लाका सबै प्रहरी इकाईहरुलाई निर्देशन गरेको डिएसपी गुरुङले बताए ।
उनले भने, चाडपर्बमा जिल्लामा कुनै अप्रिय घटना हुन नदिनका लागी जिल्लाका प्रत्येक नाकाहरुमा रहेका प्रहरी इकाईहरुलाई चुस्त बनाइएको र सादा पोसाकमा समेत प्रहरी परिचालन गरिएको छ , बाहिरी जिल्लाहरुबाट रोल्पा भित्रिने यातायातका साधनहरुमा सुरक्षा चेकजाचमा कडाइ गरिएको छ ।’

जिल्लाका अधिकाश प्रहरी युनिटहरुको स्थलगत निरीक्षण तथा अनुगमन गरि सम्बन्धित युनिट प्रमुखहरु लाई आ-आफ्नो इलाका भित्र शान्ति सुरक्षाको अबस्था मजबुत राख्न निर्देशन यदिइसकेको समेत डिएसपी गुरुङले जानकारी दिए ।

रोल्पामा स्थायी र अस्थायी गरि ३६ वटा प्रहरी युनिटहरु रहेका छन् । विभिन्न काम काज तथा रोजगारीका लागी जिल्ला बाहिर तथा नेपाल बाहिर गएका रोल्पालिहरु घट्स्थापना सुरु भए देखी नै गाउँ फर्किन थालिसकेका छन ।