काठमाडौं– अनलाइनबाटै भुक्तानी गर्न मिल्ने प्रविधिमा लगानीकर्ताहरु अभ्यस्त हुन नसक्दा नेपाल स्टक एक्सचेन्ज लिमिटेड (नेप्से)ले भुक्तानीे गर्ने तरिकाको विधिकिताब प्रकाशन गरेको छ ।

उक्त विधिकताबलाई नेप्सेले आफ्नो अधिकारीक वेवसाइटमै प्रकाशन गरेको छ ।  दोस्रो बजारमा सेयर किनेपछि अनलाइनबाटै भुक्तानी गर्न मिल्ने व्यवस्था भएपनि उक्त प्रविधिमा लगानीकर्ताहरु अभ्यस्त नभएको कारण म्यानुअल प्रकाशन गरिएको नेप्सेले जनाएको छ ।

‘आइपीएस’ मा आवद्ध बैंक तथा वित्तीय संस्थामा खाता भएका लगानीकर्ताले अनलाइनबाटै भुक्तानी गर्न सक्ने भएपनि प्रविधिक ज्ञानको आभाव कारण लगानीकर्ताहरुले उक्त प्रविधि अंगालेका थिएनन् ।

हाल कनेक्ट आइपीएसमा आबद्व भएका बैंक तथा वित्तीय संस्थामाको शंख्या ४८ रहेको छ ।