काठमाडौं- रोजगार अनुमति प्रणाली (ईपिएस) अन्तर्गत कोरिया जान कोरियन भाषा परीक्षाका लागि फारम भरेका परीक्षार्थीको परीक्षा केन्द्र तोकिएको छ । ईपिएस शाखा कार्यालयले आज प्रकाशित गरेको सूचनामा यही जेठ २५ र २६ गते हुने कोरिया भाषा परीक्षाका लागि ३२ परीक्षा केन्द्र तोकिएको छ ।

ईपीएस कार्यालयले कुन सिम्बोल नम्बरका परीक्षार्थीको सीट कुन केन्द्रमा परेको छ भन्ने विस्तृत विवरण सार्वजनिक गरेको हो । विगतमा झै यस पटक पनि दुई सिफ्टमा परीक्षा हुनेछ ।

ईपीएस कार्यालयका अनुसार, पहिलो सिफ्ट बिहान ८ बजेदेखि र दोस्रो सिफ्ट बिहान ११:३० बजेदेखि हुनेछ ।
यस वर्षको परीक्षामा सहभागी हुन आवदेन दिएकामध्ये सबैभन्दा बढी उत्पादनतर्फ छन् । उत्पादनतर्फ ६३ हजार चार सय ८७ जना छन् भने कृषितर्फ २८ हजार आठ सय ८६ जना छन् ।

त्यस्तै, आवेदन दिनेमध्ये ७७ हजार तीन सय ९३ पुरुष र १४ हजार नौ सय ८३ महिला छन् । गत वर्षभन्दा १० हजार एक सय १२ आवेदन बढी परेको वैदेशिक रोजगार विभागअन्तर्गतको ईपीएस शाखाले जनाएको छ ।

हेर्नुहोस्, परीक्षा केन्द्र र परीक्षार्थीको सिम्बोल नम्बर :