काठमाडौं– फुटबल, क्रिकेट तथा शारीरिक सुगठनमा अन्तर्राष्ट्रिय प्रतियोगितामा जीत हासिल गरेका खेलाडीलाई सरकारले सम्मान गरेको छ ।

बिहीवार एक कार्यक्रमको आयोजना गरि विजेता खेलाडीलाई सम्मान गरिएको हो ।

युएईविरुद्धको एकदिवसीय अन्तर्राष्ट्रिय र टी २० शृखला विजेता नेपाली राष्ट्रिय क्रिकेट टोली, १२ औं दक्षिण एसियाली खेलकुद प्रतियोगिता विजेता फुटबल टोली र शारीरिक सुगठनको वर्ल्ड च्याम्पियन महेश्वर महर्जनलाई सम्मान गरिएको हो ।

क्रिकेटमा खेलाडीलाई ५ लाख, प्रशिक्षकलाई ३ फिजियो र म्यानेजरलाई २–२ लाखसहित सम्मान गरिएको छ । त्यसतै शारीरिक सुगठनमा विश्व च्याम्पियन महेश्वरलाई ५ लाख पुरस्कारसहित सम्मान गरिएको हो ।

त्यस्तै फुटबल टोलीका खेलाडीलाई जनही ३ लाख पुरस्कार प्रदान गरिएको छ।