काठमाडौं– १४ औं संस्करणको रेडबुल ढोरपाटन सुजुकी महिला भलिबल प्रतियोगितामा शुक्रबार विभागीय टिम एपीएफ क्लबले आफ्नो जितको लय कायमै राखेको छ ।

नयाँ बसपार्कस्थित ढोरपाटन क्लबको भलिबल कोर्टमा भएको खेलमा एपीएफले पश्चिमाञ्चल ३—० को सोझो सेटमा पराजित गरेको हो ।

एपीएफले पश्चिमाञ्चललाई २५–१५, २५–१८ र २५–११ को सेटमा पराजित गरेको हो । जितसँगै एपीएफले १२ खेलबाट ३६ अंक जोडेको छ भने पराजित पश्चिमाञ्चलको १९ अंक छ ।

त्यस्तै, शुक्रबार नै अर्को विभागिय टिम त्रिभुवन आर्र्मी क्लबले दोहोरो जित हासिल गरेको छ । आर्मीले नेपाल पुलिस क्लबलाई २५–२२, २१–२५, २५–१८, १५–२५ र १२–१५ को सेटमा पराजित गर्यो भने दोस्रो खेलमा आर्मीले श्री गाउँ दाङलाई २५–१२, २५–१९ र २५–११ को सेटमा पराजित गर्यो ।

दोहोरो जित निकालेपछि तेस्रो स्थानको आर्र्मीको २९ अंक भएको छ । दोस्रो स्थानको पुलिसको ३० अंक रहेको छ ।

यस्तै सेबले दाङलाई २५–१८, २५–१५ र २५–११ को सेटमा पराजित गरेको सेबको १४ र दाङको ११ अंक रहेछ ।