काठमाडौं – फिल्म ‘झिंगे दाउ’ बाट आँचलको लुक सार्वजनिक गरिएको छ । तस्वीरमा आँचललाई फरक लूकमा देख्न सकिन्छ ।

ज्ञानेन्द्र देउजाले निर्देशन गरेको यो फिल्ममा आँचल शर्मालाई फरक लूकमा प्रस्तुत गरिएको हो । फिल्मको छायांकन खोटाङको हलेसीमा भएको थियो । फिल्मको केही दृश्यको शूटिङ भकुण्डे बेसीमा खिचिएको छ ।

सार्वजनिक भएका तस्वीरमा आँचललाई बिल्कुलै फरक भूमिकामा देख्न सकिन्छ । प्रायः आँचललाई शहरीया युवतीको भूमिकामा देख्ने गरिन्थ्यो ।

डोको र हँसिया बोकेकी विवाहित महिलाको भूमिकामा आँचललाई देख्न सकिन्छ । फिल्ममा उनको जोडी मुकुन भुसालसँग जोडिएको छ ।

यस्तै फिल्ममा केकी अधिकारीको पनि शीर्ष भूमिका रहनेछ भने उनी पनि गाँउले महिलाको भूमिकामै देखिनेछिन् ।

फिल्मलाई निर्देशक देउजाले निर्माण गरेका हुन् भने प्रदीप भारद्वाजले कथा लेखेका हुन् । एक जुवाखालमा हुने घटनापछि घटित हुने कथानकलाई फिल्ममा देख्न सकिनेछ ।