– गोकर्ण विष्ट

यो ज्यादै दुःखद क्षण हो । एकातिर हामीले सँगै काम गर्ने मन्त्री गुमाएका छौं । अर्कोतिर हामीले जनप्रतिनिधि गुमाएका छौं । आन्दोलनको एउटा योद्धा गुमाएका छौं । मेरो त व्यक्तिगत हिसावले सबैभन्दा लामो अवधिको साथी गुमाएको छु । हामी अत्यन्तै दुःखी छौं ।

राजनीतिक जीवनको सवैभन्दा लामो आवधि सँगै विताउँदा रवीन्द्रसँगका धेरै स्मरणीय क्षणहरु छन् । उहाँ विद्यार्थीको इञ्चार्ज र म मोर्चा इञ्चार्जको हिसावले काम गर्दा हामीले जुन प्रकारका दुःख, कष्ट र कठिनाइहरु सामना ग¥यौं, ती एकदमै स्मरणीय छन् । ती क्षणहरुलाई एकदम नजिकबाट सम्झिरहेको छु ।

३ दशक लामो राजनीतिक यात्रामा निरन्तर रुपमा देश र जनताको हितमा काम गर्ने क्रममा धेरै यस्ता क्षण छन्, जहाँ हामीले थुप्रै चुनौती र कष्टका बाबदूत जिम्मेवारी पूरा ग¥यौं ।

उहाँ जस्तोसुकै अप्ठेरो स्थितिमा पनि सहज रुपमा काम गर्ने । दुःखलाई हाँसेर जित्ने उहाँको खुवी थियो । आन्दोलनका क्रममा उहाँसँग हुँदा सधैं हौसला मिल्थ्यो ।

कार्यकर्तामाझ उहाँ सधैं प्रिय हुनुहुन्थ्यो । अहिले उहाँ हामीमाझ हुनुहन्न भन्ने सोच्दा पनि सहन नसकिने पीडा महसूस भइरहेको छ । उहाँको निधन देश र जनताका लागि अपूरणीय छ नै व्यक्तिगत रुपमा मेरो लागि सबैभन्दा नजिकको साथी गुमाएको छु । उहाँको निधन सहनै नसकिने पीडा बनेको छ ।

खबरहबकर्मी रिता लम्सालसँगको कुराकानीमा आधारित