काठमाडौं- पोस्टमार्टम भएका शव श्रद्धाञ्जलीका लागि टुँडिखेल लगिएको छ । अस्पतालले जिम्मा लगाएका मन्त्री अधिकारीसहितका ७ जनाकै शव श्रद्धाञ्जलीका लागि त्रिवि शिक्षण अस्पतालबाट टुँडिखेल हिडाउन लागिएको प्रहरी नायव उपरीक्ष डिएसपी फडिन्द्र प्रसाईले जानकारी दिए ।

सातै जनाको शव श्रद्धाञ्जलीका लागि टुँडिखेलमा राखिने भएको छ । राति १ बजे पोस्टमार्टमको काम सकेपछि अस्पतालले  बिहान शव परिवारको जिम्मा लगाएको थियो ।

बिहीबार नै श्रद्धाञ्जली सभा गरिने कार्यतालिका बनाइएको भएपनि पोस्टमार्टमका लागि समय लाग्ने भएकाले आज बिहानसम्मका लागि श्रञ्द्धाञ्जली सभा सारिएको थियो ।

मन्त्री अधिकारीसहित मृतक ७ जनाकै पार्थीव शरीर टुडिखेलमा राखेर श्रद्धाञ्जली अर्पण गरिने छ । मृतकप्रति श्रद्धाञ्जली अर्पण गर्न राष्ट्रपति विद्यादेवी भण्डारी तथा उपराष्ट्रपति नन्दबहादुर पुन पनि टुँडिखेल पुग्नेछन् ।

त्यस्तै मन्त्रिपरिषदका सदस्यहरु, उच्चपदस्थ सरकारी अधिकारी, विभिन्न राजनीतिक दलका नेताकार्यकर्ता तथा सर्वसाधारण टुँडिखेल पुग्नेछन् ।