मानिसले खाजामा के खान्छन् ? सवैलाई थाहा भएकै कुरा हो घरमा भए भुटेको मकै, चाम्रे, चिउरा, रोटी र पसलबाट भए चाउमिन, मम, चटपटे वा कुनै माछामासुका परीकार वा यस्तै अरु केही खानेकुरा ।
तर कोही मानिसले खाजामा सिसा खान्छ भन्दा के तपाई पत्याउनु हुन्छ । पक्कै पत्याउनु हुन्न । बरु उल्टै तपाई प्रतिप्रश्न गर्नुहोला । खाजामा कसले सिसा खान्छ ? खाजा त के अन्य बेलामा पनि कोही ब्यक्ति सिसा खान सक्दैन । सिसा खानु आफै खतराजनक छ ।
साथै यो स्वास्थ्यका लागी पनि निकै हानिकारक छ । तर अहिले सामाजिक सञ्जालमा एक ब्यक्तिले कपाकप सिसा खाएको भिडियो भाइरल बनेको छ । उक्त भिडियोमा एक ब्यक्ति स्ट्रेमा रहेको चिम र बोतलको टुक्राहरु चपाउँदै निल्दछन् ।
भिडियोमा देखिएका ब्यक्ति भारत मध्यप्रदेशमा रहेको डिन्डौरी जिल्लाको शहपुराका निवासी दयाराम साहु हुन् । उनले विगत ४५ बर्षदेखि खाजामा सिसा खादै आएका छन् ।
दयाराम पेशाले वकिल हुन् । सिसा खानु दयारामको कुनै बाध्यता पनि होइन । न त उनी कुनै मनोरोगी हुन् । सिसा खानु उनको शोख भएको बताइन्छ ।
बालापनबाटै सिसा खान शुरु गरेका दयाराम आज पनि खाजामा सिसाका टुक्रा चपाएर खाने गर्दछन् । अझ रोचक कुरा त के छ भने दयारामकी श्रीमती समेत श्रीमानलाई खाजा ख्वाउन अन्न, तरकारी, वा फलफुल होइन सिसाको बन्दोबस्तमा जुट्दछिन् । उनी श्रीमानलाई सिसा खान रोक्ने भन्दा पनि सिसा जुटाउन लागि पर्छिन् ।
दयारामकी श्रीमतीका अनुसार विवाहपछि मात्र उनले श्रीमानले लुकिछिपि सिसा खाएको देखिन् । त्यसपछि कैयौं पटक श्रीमानलाई सिसा नखान अनुरोध गरीन् । तर दयाराममा सिसा खाने लत यसरी बसेको थियो कि उनले त्यसलाई छाड्न सकेनन् ।
बिस्तारै उनकी श्रीमती स्वयमले पनि सिसाका टुक्रा खोजी खोजी ल्याइदिने गर्न थालिन् । पहिले एक किलोसम्म सिसा खाने दयाराम दाँत कमजोर भएसंगै त्यसको मात्रा घटाउँदै आएका छन् ।
दयारामका अनुसार सिसा खानु उनको लत बनिसकेको छ । यो खतरनाक लतका कारण सिसा खाने क्रममा उनको दाँत सहित स्वास्थ्यमा असर परिरहेको छ । उनी अन्य कोहीलाई पनि सिसा नखान सुझाव समेत दिन्छन् । पछिल्लो समय उनी आफै पनि कम मात्रामा सिसा खादै अँएका छन् ।
#WATCH: Dayaram Sahu, a lawyer from Dindori has been eating glass since last 40-45 years, says,”it’s an addiction for me. This habit has caused damage to my teeth. I wouldn’t suggest others to follow as it’s dangerous for health. I have reduced eating it now.” #MadhyaPradesh pic.twitter.com/DRWXXb93qA
— ANI (@ANI) September 14, 2019
प्रतिक्रिया