काठमाडौं – चलचित्र ‘वीर विक्रम २’ को रोयल (पर्पल) कार्पेट प्रिमियर गरिने भएको छ । निर्माण टिमले कलाकार तथा प्राविधिकको सम्मानका लागि यस्तो खाले प्रिमियर गर्न लागेको जानकारी गराएको छ । पर्पल कार्पेटलाई शान्ति र समानताको प्रतीकका रुपमा पनि लिने गरिन्छ ।

निर्देशक चाम्सले कलाकार तथा प्राविधिकलाई सम्मान गर्न प्रिमियर गर्न लागेको बताए ।

आउँदो जेठ ३ गतेबाट प्रदर्शनमा आउन लागेको यो फिल्ममा नाजिर हुसेन, पल शाह, बुद्धि तामाङ र वर्षा शिवाकोटीको मुख्य भूमिका छ । लण्डन सिने आर्टस् र चाम्स इन्टरटेनमेन्टको ब्यानरमा निर्माण भएको यो फिल्मले रिलिजअघि राम्रो हाइप बनाएको छ ।

रिलिजको दुई दिनअघि प्रिमियर गर्न लागिएको यो फिल्ममा देशभक्त खनाल, मनोज केसी? विनिषा भण्डारी लगायतका कलाकारको समेत अभिनय रहनेछ ।